السلام عليكم
هادي القصه انا كتبتها وابا اشوف ازا حلوه ولا لاء وترا احداثها حقيقيه وسارت من جد
نبداء
في يوم حار قررت اني اكل الاسكريم الي اشتريتوا من السوق وانا رايح للتلاجه بقيت اخويا الكبير حسام : كمال تعال العب كوره معايا انا : عارف مني فاضيلك وبعدين 20الف مره اقلك ما احب العب كوره عشان كده مع نفسك ورحت جري على التلاجه وفتحت الفريزر لاكن مالقيت الاسكريم سرت ادور يمكن تحت التلج يمكن في يد الفريزر لاكن الاسكريم اختفى مني لاقيلوا ولا اثر بس قلت في نفسي اكيد هادا الدبه حسام رحت عندوا انا : حسام فين الاسكريم الي كان في الفريزر حسام : ايت واحد انا : لاياشخ كانك ماتدري الاسكريم السنكرز حسام : آآه داكا اشبوا انا : اشبوا في عينك اكلتوا صح حسام : والله مني فاكر يمكن انا : يادبه دايما تسوي فيا كده هادي المره الكم هااا حسام : كمال مني فاضيلك منتى شايفني بالعب كوره وبعدين خلاص وعد اشتريلك واحد تاني انا : صح صح كل يوم تقول كده لاكن هادي المره لو كاجا ياويلك رجعت الغرفه شغلت المكيف وفتحت الكمبيوتر وفتحت كل المنتديات الي مسجل فيها تقريبا 7 منتديات
عادتا انا في كل منتدى اتعرف على مجموعه اولاد وبنات يكونوا قدي الاولاد اسجلهم عندي في الماسنجر
وممكن نتقابل اما البنات لا لانو طبعا عيب في من المنتديات هادي منتدين لقيت فيهم رساله خاصه وحده من
ليلو والتانيه من حلاوه قطن ولاتنين يبوني اضيفهم عندي في الماسنجر انا استغربت كيف بنات ويسوا كده
حسب علمي الاولاد هم الي يرسلوا اميلاتهم للبنات قعت افكر اضيفهم ولا لاء بس البنتين دولا انا ضارب معاهم
صحبه عادي يعني معتبرهم زي اخواتي فحسيت انو عادي لو اضفتهم يعني ماراح يتغير شي كتير نفس الي في المنتدى حيسير في الماسنجر وانا بفكر دخلت اختي وقعت تدور في الغرفه وتحكيني بمضاربه مالها داعي
دوشتني رحت سالتها انا : رؤى لو افترضنا انو في بنات يبوني اضيفهم في الماسنجر ايش رايك اضيفهم ولا لاء رؤى : من جد في بنات بدهم يتعرفوا عليك اوووه حركات والله بصرااحه ما ادري بس تقدر تضيفهم وإذا ما ارتحت امسحهم انا : خلاص طيب بس على مسؤليتك رؤى : بلا مسؤليتي بلا مسؤليتك انا طالعه مع السلامه سجلت البنتين اول شي اتكلمنا مره عادي كلو كان تريقه وهباله وعدى اسبوع واحنا على هادا الحال نتكلم في هرج فاضي بعد فتره قالتلي ليلو انها تحب واحد ولد وتبغاني اتاكدلها بنفسي ازا هوا يحبها ولا لاء انا : ايش وكيف تبغيني اعرف انشا الله ليلو : ما اعرف انت اسالوا اتلكم معا انت ولد وهو ولد اكيد راح يقلك الحقيقه انا : طيب مين دا الولد ليلو : واحد << قصدها واحد من ضحايا الزمن انا : واحد انت تحبي واحد طيب واحد قلك انو هوا يحبك ليلو : ماقالها بصريح العباره لاكن قال انوا هوا يغار منك لمن اتكلم معاك انا : خخخخخ من جد واحد قال كده انا اعرف انو واحد دايما يضارب مع البنات كيف حبك ليلو : خلاص عاد امر الله واتكتب بس ابا منك تتاكدلي انا : خلاص طيب اول مايدخل واحد اكلموا بس في مشكله هوا دايما يدخل في اليل وانا في اليل انام ليلو : الله يخليك هادا الطلب الوحيد الي راح اطلبوا منك انا : اصلا لازم يكون الطلب الوحيد والله صعب اني اكلم واحد واسالوا انت تحب مين حيقتلني ليلو : لا ما اتوقع انتوا الاتنين دايما مع بعض اكيد راح يقلك الجواب انا : خلاص طيب يسير خير
في اليل الساعه 12 بعد ما كل البيت نام شغلت الكمبيوتر وفتحت الماسنجر ولقيت واحد وكلمتوا انا : اهلن واحد من زمان عنك واحد : اهلين كيمو فينك ياولد انت الي من زمان عنك هادا كل من الدراسه قلتلك خليك زي خلص الثنوي واجلس
في البيت دورلك شغل انا : لا يا سيدي انا ابا اكمل دراستي واحد : الله يوفقك انا : آآآمين واحد ممكن اسالك سؤال واحد : طبعا اسال عاتي انا : يعني راح تجاوب مو تقلي مالك دخل وشي زي كده واحد : لالا اوعدك اجاوبك انا : طيييب انت تحب هادي الفتره واحد : والله يمكن انا : لا من جد جاوب ايوه ولا لاء واحد : الصراحه ايوه انا : طيب ممكن اعرف مين واحد : هه والله انك والد يعني تتوقع اني راح اقلك انا : ايوه و بالمناسبه انا من جد ولد واحد : احلم يا بابا انا : هييييي انت قلت انك راح تجاوب طيب ممكن اخمن واحد : هات قول الي عندك انا : مشاعر طفله واحد : لا انا : ميمو واحد : لا انا : ليلو واحد : يمكن انا : يعني انت تحب ليلو واحد : مني مجاوب انا : خلاص هادا دليل انك تحبها طيب ابا اسال سؤال واحد : قوووول >< انا : طيب بس لاتعصب انت تحبها من جد ولا لاء واحد : كيم والله انك واحد ملقوف انا : الله يخليك جاوب جاوب واحد : ايوووه احبها من جد انا : يؤيؤيؤ بس الحب عييييب واحد : كمال اصلن انت كل شي عندك عيب اسمع انا احبها وهيه تحبني انا : يعني تفكر تخطبها واحد : ايوه بس الاقي وظيفه واخطبها ليش لاء انا : حتعزمني واحد : كمال ماتبطلك اساله سخيفه اكيد ايوه انا : ايوه ولا يعني يعني واحد : مني راد عليك انا : T T لييييش واحد : لانك جبتلي صداع انا : طيب اسف اسمع الساعه دحين 2,30 انا تعبان ابا اروح انام واحد : تصبح على خير انا : وانت من اهلوا سلام واحد : سلام رحت اسندحت على السرير وانا مني مصدق الي قالوا واحد وفي نفس الوقت كنت متحمس اشوف ردة فعل ليلو
لاكن كان في شي شاغل بال امونه ليها فتره مادخلت اخدت نفس وجلست كل شي كان مخربط خرجت من غرفتي على الصاله طالعت جهة غرفة حسام لقيت النور شغال كنت ابا ارحلوا بس بطلت ورحت على التلاجه
ادور على أي دوا يجيب النوم الين لقيت تمبرا يمي بالعنب المهم اخت ملعقه ورحت نمت
في الصباح اليوم التاني صحيت من اول ما ادن الفجر من الحماس ورحت جري شغلت الكمبيوتر وقعت استنا ليلو تدخل لاكن لمن دخلت لقيت امونه فالبدايه استغربت بس كلمتها
]
قصه رمنسيه بس من جنبها ؟! 
هه والله انك والد يعني تتوقع اني راح اقلك 
العرض العادي
