بسم الله الرحمن الرحيم
كيفكم .. تمام .. مالكم بالطويله جبتلكم موضوع لا يفووتكم .. جنان
مالكم بالطويله ونخش بالموضوع
أصدقاي بالمنتدى أخواتي عمركم تخيلتو تعيشون الماسنجر في حياتكم الواقعيه
ياسلااااااااااااااام
حياه ولا أروع
حياه بسيطه
حياه خاليه من المشاكل والهموم
ببساطه ماسنجري غير حياتي
تخيلو معي
كم مره تمنيت\ي أنك تمشي بالشارع ومالك خلق أحد قافله بالعربي وجاك واحد من الاصدقاء او الزملاء ومنت رايق له من جد وش تسوي
بكل بساطه حط حالتك الظهور دون أتصال
تخيلتو
يجيك يكلمك : عبدالرحمن يبو عطنا وجه ابوداحم, بوسعود : يثقيل رد علي طيب
* لقد أرسل لك »¼ •¶??¸¸ واحد من الشارع ¸¸??¶• ½« لتوه إشارة تنبيه.
ويجيه الرد السريع : نعم ياخي ماتشوف حالتي بالخارج ناس ماتفهم صحيح ,,,,,,,, لا أمزح معليش أنا طالع وبرجع أول ماشوف ردك بكلمك علطول سلاااام
وتكمل مشوارك
يقطع ام الفله ...
ولا أنك منشغل بشي ولا تفكر بحل مشكله ولا تفكر بموضوع بتنزله في حارة المساطيل ولا اقل شي تقرى جريده ولا تشوف لك فلم ومنجسم معه
وجاك واحد وقطع عليك حبل أفكارك ولا خرب الفلم عليك بسواليفه وش تسوي
بكل بساطه حالتك تخليها على مشغول وطنشه
أكيد موقاربك من البدايه لانه شايفك مشغول
الله يازين الماسنجر
اووووووووه أزين شي والخيال صدق تدخل لك كوفي ولا قهوه ولا عزيمه وفيه ناس منت رايق لهم وفيه واحد بالجلسه ودك تتكي معه وتسولف بس موجدين الاشخاص الي منت رايق لهم
وش تسوي
بكل بساطه تخلي حالتك الظهور دون أتصال وتتكي مع الي أنت تبيه والباقين مو حاسين بوجودك
شي يوسع الصدر حقيقه
ببساطه الحياه لو تصير في الواقع زي الماسنجر
راح يعم الامن والسلام العالم
ولا مشاكل ولا شرهات ولازعل
تخيلو بس
حياتك صدق ماسنجر ..!
06-28-2008, 01:32 AM
))
اعلاه
تخـيـل حيـاتـكـ صدق ماسـنـجـر ..!
]
العرض العادي
