وانا كنت طايره من الفرح وكنت متعلقه بحمد كثييير كنت احس بحبه حتى لو مايقول لي أحــــــبــــك وانا حبيته كثييير وحسيته فارس احلامي عن جد كل شي فيه كان يعجبني كان يخاف علي كثييير و يخاف على زعلي من عرفته لليوم عمره مازعلني او رفض لي طلب كان يشبه ابوي في كثييير اشياء وهذا شي خلاني اتعلق فيه اكثر وجديته مايحب المجامله و الكذب صريح كثييير

وجا اليوم الموعود كان موعدهم بعد صلاه العشاء اتصل فيني حمد الساعة 4.30
وقال لي اهلي ماراح يجون

فتحت عيني وقلت بعصبيه لـــــــــــــيه

قال لي صار لولد عمي حادث وهوا لان بالطوارئ

قلت من صدقك ولا تمزح ترى مرره مو وقتك اهلي ينتظرون اهلك وانت تقول حادث ومدري اش

قال لي هذا الي صار

قلت له قول انهم مايبغون يجون وانهم موراضين تاخذ وحده مو من ديرتك ولا تطلع حوجج
قال لي بس انا اليوم بجي
قلت وين تجي؟بروحك!
قال أي بروحي انا رجال وعند كلمتي
قلت والله كيفيك تبي تجي الله يحيك بس توقع الرفض القطعي إن جيت
اتصل على ابوي و اعتذر احسن لك
قال لا ماأبي انا بجي قلت طيب

المهم جا ومثل ماتوقعت قالوا له اهلي لا حنا مو موافقين إلا إذا جيت مع اهلك
قال طيب نتفق على الامور
قالوا ماعندنا كلام معاك الكلام مع ابوك وعمامك

وطلع وكان حزين وانا كنت حزينه

بس انا قلت له هوا ماسمع كلامي ...


وبعد 3 ايام من مقابلته لاهلي اجتمعوا اهلي ( ابوي وخالي وعمي )
قالوا لي عجبتك هذي الحركه عجبتك الاهانه ولا عذره اقبح من ذنبه شوفي هذا الشخص مايناسبك ولا يناسبنا انسي خلاص ولا عاد تفكرين فيه
قاعده اسمع كلامهم واحس اني في دوامه خلاص انا حبيته وتعلقت فيه صار جزء من حياتي بسهوله ابتعد ولا كانه في شي بيننا رحت اركض لعند امي وابكي
اقول لها ماما اش هالكلام الي يقلونه ليش مايعطو فرصه ثانيه
امي قالت الي الله كاتبه بصير لو كاتب تاخذينه راح تاخذينه
خالتي قالتولا يهمك هما الحين معصبين شوي بعدين راح يهدون وماراح يصير إلا الي تبينه انتي غاليه علينا ولا نحب نشوفك زعلانه .

و حاولت ام حمد تعدل الوضع امي تقبلت لكن ابوي لا رافض ولا يبغى يسمع سيرتهم اتصل عليه ابو حمد يعتذر وحمد وعمه ويفهمونه انهم شاريني ويبغوني لولدهم لكن ابوي ماعطاهم فرصه

وعشت بعذاب لمدة 4 اشهر ولا حمد يكلمني
قال لي خلاص ابوك مو موافق والله مو كاتب روحي شوفي حياتك
انا تعودت عليه وعشت لحظات حلوه معا صار ماخذ جزء كبير من حياتي وانا الي عمري ماحبيت ولا عرفت الحب إلا يوم عرفته ليش كذا يصير فيا.


وبعد 4 اشهر رن تليفوني الصبح الساعة 7 وانا رايحه الجامعه

كان حمد

يقول لي تحبيني
قلت أي
قال لي تبغين للحين
قلت طبعا
قال لي خلاص اليوم المغرب انا واهلي جاين
قلت له احلف
قال لي قسم

من الفرحه ماعرفت وين اروح اروح الجامعه ولا ارجع البيت لا باروح نسيت عندي اختبار
رجعت البيت الساعة 10
امي بتقول لي الخبر
قلت لها ادري


قلت ابوي اش قال؟؟
قالت ماقال شي
قلت رافض ولا موافق
قال بيقعد معاهم ويصير خير

ماعرفت اش اسوي الفرحه مو واسعتني اقول حق امي اروح الصالون اتعدل
قالت لا طلعي على طبيعتك
قلت لالا بقعد بغرفتي
قالت براحتك بس اكيد بيطلبو يشوفتك
قلت لها اش البس؟؟
قالت جلابيه او تنوره
ضحكت ضحكه قويه
قلت ماما نسيتي انا ماعندي لا جلابيه ولا تنوره
قالت شفتي اقول لك خذي لك ماتاخذين كله طايحه في هلجينزات والبنطلونات

قلت ماما الساعة 12 الظهر وين اروح اش اشتري
قالت بعد الغدى نروح سوىونرتب للعشه (لانه ماكو وقت امي تطبخ)
ونروح ناخذ لك شي سنع تلبسينه
قلت وليش بعد الغدي الحين مافي وقت؟
قالت يالله نصلي الظهر ونروح

الحمدالله حصلت شي حلو البسه ومر اليوم على خير وجا المغرب وجو اهله

وخطبوني رسمي واتفقوا على المهر و الشبكه

لكن ابوي وامي حطو شروط تعجزيه وابو حمد كان بخيل من اول قال لــحمد انا ماعلي من زواجك ماراح اسوي شي غير جيتي معاك واخطب لك

طلبوا مهر 20000 ريال و الشبكه ب 10000و بيت باسمي بالسعوديه و بالبحرين وشهر العسل و حفله عرس في فندق 5 نجوم وحفله استقبال بعد في الفندق

حمد واهله قالوا ابشرو بعزكم ماطلبتو شي

بس بعدين حمد كلمني وقال لي اهلي مو موافقين على طلبات اهلك وانا ماصار لي سنه من توفضفت وعلى اقساط السياره ماأقدر على كل هذا ولا احد راضي يساعدني اش الحل إذا اهلك مو موافقين خليهم يقلون مو يحطون شروط كذا

قلت انا بكلمهم قلت حق امي وابوي مايصير انا ماأبي شي
قالوا لي هذا مو شغلك
قلت العالم يقلون انه احنا طمعانين فيهم
قالوا لي لا ترخصين نفسك وانتي غاليه علينا ولازم يفهمون هذا الشي عدل

ياربي طيب وافق على الملكه الحين والعرس بعدين
قال لا الملكه والعرس بيوم واحد
قلت حرام عليك والله حرام

وبعد شهر احنا محتارين مانعرف كيف ندبر كل هذا المبالغ , جا عمه من كندا كان مهاجر من فتره وجاب سياره لهم وكان يحب حمد كثير وعمه مومتزوج ولا عنده عيال وقعد معه
وقال خير ايش فيك
قال كذا وكذا
قال انا جيت هنا عشان عندي كم ارض ابي ابيعهم واروح كندا هناك و بكتب ارض وحده باسمك وانت بيعها واتزوج من الي تحبها

فعلا باع الارض وجابت له حول المليون لانها كانت كبيره مره وفي منطقه تجاريه

الحمدالله حلينا مشكلتنا شرينا شقه بالبحرين باسمي و بيت صغير بالسعوديه باسمي انا وهوا

و ملكنا وبعد الملكه بسبوعين موعد العرس


رحنا انا وحمد عشان نوزع بطايق العرس على أهلي و اول شي رحت لعند صحباتي
رحت عند صحبتي كانت معاي من الثانويه وبعضهم كانو صحباتي من فتره طويله وفي بعضهم من الابتائي معاي رحت بيت وحده منهم عشان اعطيها البطاقه
كان حمد يعاملني في هذا الاسبوعين كاني ملكه مايرضى اشيل شي او حتى افتح باب السياره كنا طايرين من الفرح والكل لاحظ فرحتي .

نزل حمد عشان يفتح لي باب السياره وعلى طلعت صحبتي مع زوجها

قربت مني وانا تقربت اكثر حمد راح للسياره و زوجها راح جهت سيارته
قالت لي بستغراب من هذا!!؟؟
قلت لها ليه؟
قالت مررره حلو
قلت لها استحي زوجك بسيارته وانتي حامل وتغازلين
قالت يالله شهوده منو هذا عطيتها البطاقه
قلت لها اقري وراح تعرفين يالله باااي اشوفك بعد اسبوعين
قالت اش معنى
قلت لها ماعندي وقت باي

اتصلت فيني بعد ربع ساعة تقولي يا الخاينه عرسك بعد اسبوعين ولا تقولين لي ما الحق اجهز روحي وافصل فستان
قلت لها والله كل شي صار على السريع انا بنفس للحين مو جاهزه وكانت تبغى تطول
قلت انا مشغوله قاعده اوزع البطايق
قالت خلاص بكره اجيك
قلت لها حياك

كان حمد من ملكنا وهوا ماخذ إجازه 3 اشهر..
شهر للعرس وشهر العسل وكله كان بالبحرين والشقه الي اشتريناها كانت مقابله بيت لامي بس ماكنا ماثثينها كان ينام في بيتنا مع اخوي ابوي ماكان عاجبة الوضع بس كان فرحان لاني فرحانه

وجو صحباتي الصبح الساعة 10 عشان نفطر مع بعض وحمد كان نايم طول الليل يلعب بلاستيشن مع اخوي


باركو لي وعاتبوني ليش ما قلت لهم من قبل وقامت تسألني الحامل اسئله وجعت راسي فستانك وين فصلتي
قلت لها ام حمد سوته لي طلبيه من فرنسا
وعرسك وين وكم مهرك وشبكتك من وين خذتيها
قلت لها راح تشوفين كل شي يوم العرس
قالت طيب ماتبغين مساعدة
قلت لها شكرا
قالت لا انتي وقفتي معايا بعرسي لازم اوقف معاك
قلت باقي هدايا التوزيع للحين مارحت لهم
قالت متى بتروحين
قلت لها مع حمد بس امن يصحى بنروح
قالت ينفع اجي معاكم
صحباتي الباقيين قالوا ليش تروحين معا خليه احنا نروح اش عرفهم الرجال بهذي الاشياء
قلت ذوقه يهمني واهوا اهنا عشان يوديني ويجبيني مايبغاني امشي بالسياره لوحدي
قلت لهم تعالو معنا
قلت هذي الجمله على امل انهم يرفضون لكن وافقوا وفرحو
قلت ياويلي من حمد الحين.. مايحب يكلم بنات ولا يقعد مع بنات اختي يتجنبها ولا يكلمها وطول مااختي في الصاله اهو يقعد بالغرفه هالمره بيجون معنا4 بنات


شوي والى سمعت صوت الباب غرفتي يطق مين ؟؟انا حمد ادخل
قلت لا انا الحين بطلع
طلعت له كان جاهز قال يالله نمشي
قلت امم احم ااااا
قال لي اش؟
قلت صحباتي يبغون يجون معنا اختي واهيا ماره انا بعد ابغى اجي صديقاتك احسن مني
قلت اش
قال انت تعرفين
قلت والله ادري
قال يالله بكره راح تجين السعودية وراح تفقدين ربعك خليهم يجون وتنبسطين معاهم
قال بس سيارتي سبورت ماتشيل وخصوص الدبه الي وراي قصده اختي
قالت خلك ياضعيف
قلت ناخذ سيارت امي سيارة امي جيب وتكفي
قال طيب
قلت حق امي وافقت


كان حمد شايفني و مو مصدق كان ينسى انه معانا ناس بالسياره ساعة يمسك يدي ساعة يقولي شعر ساعة يتغزل وانا اناظره انه في ناس معنا لكن مو هامه احد رحنا واخترنا وسوينا
قال الحين الساعة 2.30 لازم نروح نغذيهم بعدين يقولوا عني بخيل
قالت الي متزوجه هذا الي ناقص تردنا جيعانين واحنا من الصبح ندور مع زوجتك
قال لها محد ضربك على يدك وقال لك تعالي استغربت منهم شلون كذا يتكلمو اعرف حمد الي في قلبه على لسانه ومايسكت بس هذي جريئه مره
قالت وهيا تضحك امزح صدقت انت
قال لي عمري وين تبغينا
قلت تشليز
قالت الي متزوجه انا ماحب تشليز
قال مين مايحب تشليز غيرها كلهم ساكتين سأل اختي أسأليهم يمكن يستحون وقول لي وين تبون قالت اختي كلهم يبغون تشليز إلا وحده
قال 6 على واحد مايصير يالله تشليز تشليز
ورحنا وتغدينا بعد الغدى
قال ايش رايكم نروح سينما
قلت لا حياتي عندي شغل و موعد بالصالون ماأقدر
قال طيب مشينا البيت

ومر الاسبوعين مثل سنتين كل يوم اعد متى يجي يوم العرس

لكن صار شي لا عالبال ولا عالخاطر

قبل يومين من العرس اتصل واحد الساعة 8 الصبح على حمد
وقال له مو من حقك تتزوج شهد هيا حبيبتي وانا احبها وامووت فيها وهيا بعد مع بعض نت حنا من زماان بس انت جيت وخربت كل شي انصحك تبتعد عنها
قال له اشفيك مخرف انت ومين انت و من وين لك رقمي
قال انا كنت ادور رقمك وحصلته شهد ما تناسبك تناسبني انا وانا طالع معها وكان عندنا شاليه نروح له دايم وقال له كلام ماينقال طلع من الغرفه وجا جهت غرفتي ويطق الباب بقوه كنت نايمه البيت كله قامو من النوم جا ابوي يقوله ايش فيك
قال له السالفه
قال له انت تصدق
قال لا انا ماصدق ولا كلمه من الي سمعتها بس ابي اعرف من هذا الحقير واكيد شهد تعرفه
قلت والله ماأعرف شي عمري اصلا ماتعرفت على واحد
قال لي كيف جاب رقمي
قلت مدري مدري
راح هوا وابوي لجهات المختصه عشان يعرفو صاحب الرقم وفي ثواني طلعو مين صاحب الرقم وسوى له استدعاء بالشرطه وحققو معا وعرفو منه الموضوع

اول ماجو كان تقريبا الساعة 9 بالليل دخل ابوي وبعده حمد وجلسوا بالصاله وانا ابكي اش صاير ليش تاخرتو للحين من الصبح طالعين

قالي ابوي انسي الموضوع ورحي نامي
قلت انام وانا مدري اش الموضوع
حمد
قال لي انسي انه عندك صديقاتي ولا عاد اسمع هالكلمه ابوي
قال لا حمد مو كذا هذي وحده مايصير تشمل الكل
قال اجل يشهرون ببنت الناس

قلت ابي افهم
قال لي حمد هذي صديقتك الي طايرى فيها ام لسان طويل
قلت من؟
قال لي نوره مدري نور
قلت أي نوره ايش فيها
قال هذي معطى رقمي لواحد
وقالت له قول هذا الكلام هذي تسمينا صديقه قمت ورحت لبست عبايتي
قالوا لي وين قلت باروح لها بخليها بيزه ماتسوى ابوي قالي صلي على النبي هيا سوت كذا عشان تدمر حياتك وإن رحتي وعرفت انه انتي وحمد ماتغير شي عليكم راح تفكر في شي اعضم قلت يدها وما تطوول انا عمري ماضريتها لازم اعرف ليش كذا سوت

حمد قال لي كلام ابوك صح
قلت وانا ماراح ارتاح لما اعرف
قال خلاص روحي
قال لي اصبري انا اوصلك

رحت لها البيت وكان زوجها وامها موجودين بالصاله رحت والشرار يتطاير من عيوني ماكنت ابي اكلمها قدام زوجها بس هيا قالت قولي الي عندك وانا خفت اروح معها الغرفه اطيحهاا وهيا حامل مابي احمل ذنب الطفل حرام

قلت لها ليش سويتي هالحركه السخيفه
قالت كيفي
قال زوجها اش الموضوع امها قالت أي حركه
قلت أسألو بنتكم بتقول لكم
قالت لا انتي قولي جايه هالوقت و تتبلين علي


انا اتبلى عليكي

طيب سمعي خالتي بنتك المحترمه وقلت لها القصه زوجها اعطاها كف قدامي وامها ماصدقت قال لها ليش تسوي في بنت الناس كذا
قالت انا ماأحبها انقهر منها كل شي حلو تاخذه من كنا بالمدرسه هيا اشطر وحده واحلى وحده واهلها مدلعينها واي شي تبي تاخذه تأخذه
قال تسوي فيها كذا
قالت و اسوي اكثر اجل هذي تركب سياره احسن موديل واخر موديل وانا لا هذي تتزوج وتسوي حفله في افخم واضخم فندق وانا في البيت و كثيير علي هذي زوجها يقول لي محد ضربك على يدك تجين

قلت ياالله اش حقوده انا معاك 10 سنوات ولا عرفت انك حقوده وحقيره كل هذا تمثيل انك تحبيني
قالت انا كرهتك من كنا بالثانويه يوم تاجلين موعد الامتحان عشان ضروفك الصحيه
قلت لها الله عليك من ذاك الوقت وانتي تكرهيني
قالت مو بس اكرهك إلا انقهر واموت منك كل شي تاخذيه اول وحده واحسن شي و طلباتك اوامر بالبيت و المدرسه وحتى بالجامعه ليش بس لانك شاطره وتطلعين الاولى

قلت مابي اطولها معاك لانه اانتي ماتستاهلين اضيع وقتي معاك بس انا مسامحتك على الي سويته فيني ولا راح ادعي عليك بس اقول لك الله يهديكي ويصلح بالك

وانا طالعه قلت حق امها خالتي بعد بكره العرس إذا ماجيتي راح ازعل
قالت إن شاءالله

وجا موعد العرس والحمدالله تزوجنا ورحنا شهر العسل لفه باروبا
وبعد شهر تقريبا رجعنا السعودية

كانت احلى ايام عمري وكل المشاكل الي مريت فيها قبل الزواج كانت تقربني من حمد اكثر واكثر وحبه يزيد في قلبي
كنت ازور اهلي يوم الاربعاء والخميس والجمعه

يوم كنت بالمطبخ اطبخ وحمد بالشغل امي اتصلت فيني

وقالت لي احنا مطرين نسافر مع جدتك (ام ابوي) زاد عليها الم رجولها والدكتور الي هنا نصحنا نروح المانيه لانه هناك في دكتور متخصص بحالتها
قلت ماتشوف شر
قالت ومافي احد يسافر معها إلا انا و ابوك
قلت تتركون البيت الاثنين واخواني
قالت البركه فيك تعالي هنا بس اسبوعين على مانروح ونرجع وإذا احتاجة عمليه وبتطول بعدين يحلها الف حلال
قلت طيب بسأل حمد وبرد عليك
قالت ماابغاكي تسالينه مافي إلا هذا الحل ولازم نسافر بعد 3 ايام
قلت بس احنا تونا قاطعتني لازم توقفين مع اهلك
قلت لها على راسي وقفلت

جا حمد من الشغل وحطيت له الغدى تغدى ونام ماحبيت افتح الموضوع عشان يتغدى
قام العصر سويت له حلا وقدمته له مع الشاي
وقلت له الموضوع
قال لي راح توحشيني
قلت يعني موافق
قال لي هذولى اهلك اش موافق ماعندعهم غيرك يالله روحي جهزي اغراضك
قلت يالله تبي الفكه هما بيسافرو بعد 3 ايام من الحين تبي تودين من الحين
قال لي طيب بكره اربعاء اجي من الشغل نتغدى ونروح
قلت له تم

ورحت قعت عند اخواني وحمد كان يوم يجي لي ويوم لا و مر اسبوع
ويوم من ايام الاسبوع الثاني اتصل حمد فيني بالليل الساعة 11
قال لي شوشه جوعان
قلت بعد عمري والله روح كل شي
قال لي خاطري اكل شي من يدك
قلت طيب بكره بعد الدوام تعال وانا اسوي لك الي تبيه
قال إذا الله احياني لين بكره
قلت اش هالكلام
قال لي بجي الحين
قلت الحين مطر وضباب و هواء لا اخاف عليك على الجسر خطر
قال لي راح امشي بشويش وانت جهزي لازانيا (اكلته المفضله).


وصل تقريبا على 12.40 البحرين حطيت له العشى اتعشى وشرب شاي
قلت يالله نام عشان بكره عندك دوام
قال لي من صدقك بكره اروح دوام
قلت هااش اجل
قال لي تعرفي نفسي في اش الحين
قلت اش
بملل قال لي حرام عليك انا عمري ماطلبت
قلت له أي انت تجمعهم كلهم مع بعض وتطلبهم في يوم واحد
قال لي نفسي اروح البحر على الشروق
قلت الحين الساعة 2 تو الناس على شروق
قال لي خلاص نصلي ونروح البحر
قلت طيب نام


الساعة 4.30 اشوف واحد يصحيني

قلت ياربي مانسى هذا

قال لي قومي صلي والبسي

قلت إن شاء الله ادري مافي فكه

صلينا ولبسنا قلت له بس اخواني نايمين

قال لي بنروح ونجي هما للحين ماصحوا بعدين الخدامه موجوده واخوانك كبار
قلت طيب

رحنا البحر وطول طريق البحر واهو يقول فيني شعر يخلص يبتدي في ثانيه منها سارقها ومنها مدري من وين جايبه وانا ساكته ادري انه مو هوا الي كاتبهم غنيت له كذبك حلو يا احلى كذبه قال لي يووم بنات افكاري صايعات مدري وين راحو اليوم مو قادر اجمع كلمتين
قلت أي شي تقوله حلو

وصلنا البحر مسك يدي وقالي انا حبيتك اكثر من أي شي ثاني في حياتي حبيتك اكثر من اهلي وربعي انتي صرتي كل شي بالنسبه لي قلت وانت بعد
قال لي انا حاس انه اليوم ابي اقول لك كلام كثيييييييير واني مشاق لك كثيييير قاعد اتذكر من اول يوم شفتك كيف كنتي وكيف صرتي تغيرتي شكلك كثييير بعد الزواج بس قلبك وخوفك علي ماتغير


انتي تخافين علي اكثر من اهلي كنت اشوف حبك لي في عيونك باقول لك شي لازم تعرف انه بعد الزواج ابوي تبرى مني لاني ماخذيت وحده من اهلي وخذت وحده غريبه
قلت من صدقك
قال أي بس ماحبيت اقول لك عشان ادري اش كنتي راح تسوين واش بتقول ماهموني اهلي كثر ما انتي هميتني
قلت بس
قال لي لاتقولين شي حضني وبكى بصوت استغربت وخفت لانه عمرى ماشفته يبكي
قلت انت مضايق من اهلك
قال لي لا
قلت اجل اش فيك
قال مدري احبك ارجوك لا تخليني وتروحين
قلت وين اروح
قال لي انا ابي اموت قبلك لانه ماأقدر اعيش بدونك انتي قويه تقدرين تعشين حياتك بدوني بس انا ضعيف صعب
قلت لا تقول كذا الاعمار بيد الله
قال ونعم بالله
قال إذا مت
قلت بعد عمر طويل
قال لا تبكين علي لانه راح اتعذب ماأحب اشوف دموعك أوعديني
قلت له وعد .
قال اليوم فيني احساس مو طبيعي اول مره يجيني
قلت له واش هالاحساس؟؟
قال مدري بس كل الي اعرفه انه عمري ماحبيت وحده مثلك
قلت يعني حبيت من قبل
قال لي لا من شفت عيونك وانا ضعت فيهم
قال لي كلام حلو وغزل وصارت الساعة 6.30 تقريبا
قلت له يالله نمشي الحين اخواني يبغون يروحون المدرسة
قالي طيب يالله مشينا بس كان الجو مطر وضباب كنها مغرب .

كان الشارع عباره عن مسار واحد روحه ورجعه والصبح وقت الشاحنات انا وهو امركزين بالشارع وساكتين مره وحده شفنه قدامنا نور قوي انا صرخة
قلت له حاسب سياره جايه جهتنا ماقدر يصيطر على السيارة ثواني بس يفكر وين يروح إذا لف على اليسار هناك شارع و اليمين بحر وين نروح
قلت لف يمين
قال لي بحر
قاتل بسرعه لف يمين بس كان الوقت متاخر صدمنا بالشحنه ولانه الشارع كان رطب ومطر سيارة تدحرجت جهة الرمل ونزلت مدريكيف صار شكل سياره من الخارج بس من الداخل كان ضيق بعد ما وقفت السياره شفت حمد حاضني و وكانت الوضعية هو ا نص جسمه على كرسي وراسه على الارض وانا كنت فوقه احاول اجيبه فوق بس ماقدرت ماكنت احس بيدي شفت وجهه كله دم خفت انا ابي اتكلم بس مو قادره كنت اسمع صوته يقول كلام ما افهمه الي فهمته شوشه احنا قاعدين نموت
قولي الشهادة ابي اتكلم مو قادره كنت احس الدنيا تدور فيني وكنت اشوفه يفتح عيونه ويسكرها وانا مو قادره اتحرك من مكاني مره وحده اختفى صوته ماسمعت صوته وسمعت صوت الاسعاف وبعدها ماحسيت بشي

فتحت عيوني شفت الساعة 6 وماكنت اشوف واضح واحس بضباب ودوخه بعدها فتحت عيوني شفت الساعة 10 الساعة كانت قدامي قلت اكيد انا مو في القبر لانه بالقبر مافي ساعة شفت حوليني كل شي ابيض
قلت اها انا بالمستشفى بس مافي احد حوليني ليش صح امي وابوي مسافرين بس اهلي معقوله

رجعت نمت قمت وشفت الساعة 5 فتحت عيوني لقيت كثيير ناس حوليني وامي بعد استغربت قلت امي ابي اتكلم اقول ماما مو قادره خلاتي وعماتي واختي كلهم حوليني الى ابويموموجود حتى جدتي كانت موجوده

امي تكلمني تقولي تبين شي ابي ارد ماااااقدر وقتهاا جا الدكتور سمعته يقول حق امي الحمدالله صحت يالله نسوي لها العملية عملية اش امي
قالت لا ليش لا

قالت راح نسفرها للخارج
قال مافي وقت
قالت سوينا الإجراءات
قال طيب متى السفر
قالت الحين بنروح نحجز
الدكتور قال ليش طيب هالتكالي هنا وهناك نفس العلاج
امي قالت هيا تتعالج هناك من صغرها ودكتورها قال افضل تجي هنا
ورحت الأردن لانه انا كنت مريضه بالقلب من يوم ولادتي وكنت اتعالج هناك ودكتوري فاهم حالتي وامي تتطمن اكثر انا كنت مستغربه ابوي مو موجود وابي اسأله عن حمد ماقدر ياربي كيف الحين
امي وصلنا الاردن وسويت العملية ونجحت الحمدالله وبعد العمليه الي سويتها بالقلب قدرت اتكلم واحرك يدي وجسمي كان في كسر في رجلي ويدي بس الحمدالله تشتافيت خلال شهر تقريبا ورجعت البحرين كل ما اسأل عن حمد يقلون لي في غيبوبه

اول مارجعت قلت ودوني المسشتفى اشوفه
قال ابوي في غيبوبه ماراح تستفدين شي
قلت ماأبي ماأبي ابي اروح وقعدت ابكي وصحتي على قدي ماقدر ابكي كثييرلانه ماكنت اقدر اتنفس كنت اتنفس بصعوبه
ابوي قال لي انتي تحبينه
قلت طبعا اش هالكلام
قال لي انتي مؤمنه وتؤمنين بقضا الله وقدره
قلت بااااااااااااااااااااابااااااااااااااااااااااااااا ااا حمد ايش فيه

قال عطاك عمره
قلت لا مستحيل لنت تمززح
قال من جدي انا ماقدرت اسافر معاكم لانه كنت مشغول بنقل الجثه إلى اهله و اخوانك لحالهم قلت بابا اكيد تمزح
قال هذا موت مافي مزح تذكرت كلامه عند البحر كنت ابي ابكي تذكرت كلامه مابكيت
قلت متى مات
قال من شهر
قلت يعني متى في أي حاله
قال لمى جاو الطوارئ وطلعوكم كان ميت بس دقايق
قلت لا لاتقول مات واهو يحضني لاااااا مستحيل مايصير ركضت طلعة غرفتي فوق وقفلت الباب ابي ابكي ماقدر مسكت دمعيتي

وبعد اسبوع كنت على طول بشقيتي الي ماسكت فيه لا ابي اشوف احد ولا ابي احد يشوفني ماسكه صور عرسي و شهر العسل واشوفهم كنت نايمه وحلمت فيه
قال لي انتي تعذبيني لا تحزنين ارجوك روحي طلعي قعدي مع اهلك ضحكي لمن تضحك انا افرح ارجوك لا تحزنين هذا كتبت ربك وكلنا لها إن شاءالله نتلقى بالجنه

صحيت من النوم ونظفت الشقه وعطرتها وتميت ابتسم على طول ورحت بيت امي وانا ابتسم وجاني بالحلم



قال لي كذا انا مرتاح لا تحزنين ولا تضايقين لانه ماينفع شي غير الدعاء وترحم علي .

الله يرحمك ويغعر لك يااحمد
ويجمع بيننا في الجنه ياارب

__________________







يُقال : لايوجد شخص فاشل , ولكن يوجد رجل بدأ من القاع وبقى فيه !!

Sweet_-s0s0@............
لم اتي هنا لكسر قلوب الاخرين بل اتيت لكسبها