السلام عليكم،،//

موضوع بالمرهـ فلهـ لا يفوتكم،،

تابعوا او اقروا

كيف تحافظ على شكلك قدام ختيبتك

· اياني واياك تحلق مره ويغدي وجهك املط تسن لاحسته بقره. ترى البنات يموتون في شي اسمه سكسوكه.

· في اليوم اللي بتقابلها فيه لا تروح تسهر مع الشباب ثم تغدي عيونك تسنها زره بالطو... ارقد من عقب العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.

· كثر من مشاهده الافلام المصريه القديمه وغش منهم كم من كلمه وشوي حركات وغمزات.. ويالله عساك بس تذوب البنت.. مع اني ما ظنيته.

· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.

· ضع عزيزي مسحه من كريم الاساس.. شوي بس علشان ما يبان انك حاط شي. وشخطه من الكحل جوا عنوناتك عنوني بعدين امسحها علشان تطلع عيونك كحيله خلقه. ولعطه روج على براطمك, تخبر البراطم سود من التدخين. بس انتبه وانا اخوك اذا جيت تشرب شي عندها لا يطبع الروج في الكاس ثم ينكشف المستور.

· قصص اظافرك زين وابردها لا تمخش بنت الناس. ولا تنسى ان تلط يدك بقليل من كريم الاساس خاف البنت تقز الفرق بين الوجه واليدين.
· وعلى طاري اليدين: ان تسان يدينك فيها شعر كثير شلها علشان ما تحوم كبد البنت.

· يجب ان يكون الثوب مكويا جيدا وخاليا من العفوط ومرزام الشماغ مضبوطا وانتبه للعقال ان لا يكون مائلا.
· لا تلبس فنيله علاقي وانما البس فنيله ام نص كم عشان ما تلاحظ البنت سواد ........... من دون الثوب.

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.


· لا تروح لها تطوح يديك يالقعيطي, خذ معك ورده. واذا كانت البنت قرويه خذ معك عذق تمر سكري والا نبوت سلطان لتكسب ودها وتقدير امها.

· وانت عند البنت خلك ثقيل لا تخق ولكن ذا ما يمنع من شوي من الرومانسيه كأن تقمعها مع راسها لتعبر عن اعجابك بخفه دمها.

· لا تقز بقوه في البنت بعدين تخاف منك والا تقول عنك مشفوح. ولا تنتقدها كثيرا كأن تقول : " انك دبيه يا بعد مصراني" والا " ماهذه الخلاقين ياطحالي من وين مجمعتهم" . واكتف بالتلميح للاشياء التي تعجبك كأن تقول " ياحبي للعصلات" " يازين الدراعت الحمراء".


· لا تطول القعده عندها ولا تكثر الزيارات علشان يتقطع قلب البنت وتشتاق لك. يعني اكتف بمره وحده في اليوم والليله.

· اثبت رجولتك بعد ان تطلع من عندها وذلك بأن ترجم دريشه غرفتها بالحصى واذا طلت شغل موترك وفحط وارسم ( قلب ) على الزفلت ثم رح.

· واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل عشان محد يتسمع او يتلقف في روايتن اخرى واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها.




والله يكتب لكم اللي فيه خير و بالرفاء والبنين



حطووووها في الفضلهـ///

اااااااي

تحياتي،،،

هه

بس المصيبه الواقع نشوف العكس ^^

تلقى المخطوبه تصنفر نفسها وتنتف بكم الشعره اللي بشنبها

كل هذا عشان خطيبها ويريته ذاك الوساامه

الا احوال واعرج وحالت امه حاله

فلو كيف لو جالها واحد ينبلع


انا اعرف اللي يهتم البنت لانه تحاول تجذب الرجال عشان لا يطير

ولو طار بتصير عانس

والعانس كائن منبوذ بالمجتمع

هاااااااي

نوورتـ،// لا لا نحب واحد مهتم في نفسووو

مو لدي الدرجه ميتين عليكم ماخذين فكره خاطئهـ،،،،/

تحياتي،،

ه
انا على حالي اللي تبيني اهلا وسهلا واللي ماتبي فيه عشرين بنت غيرها

مودتي

الحمد للهـ ريحت نفسك//

نورت الموضوع،،

تحياتي،

هه مره خطير الموضوع

وبعدي يا فوهرر البنات طبعهم الحلاوه يعني ما شاء الله حلوين وحنين سوت الموضوع علشان تخليكم
تهتمو بنفسكم < حتدعسي منه لا تكثري كلام خخخخخخ

تسلمي ياحنين ياقمررر

العفوووووو نورتي غاليتي،//

^^"