تغيب شوي .. وتضيع السوالف في شفايفنا ..

الوعد باكر · #1 (**permalink**) 05-13-2008, 09:26 PM


	السلام عليكم,,, . تغيب شوي .... ياخذنا الحنين لسيرتك - للضي تغيب شوي تسرقنا الحياة لقلبها الطاغي حزن ..... وتطوف بين الحي ! تغيب شوي .... وتبعثر شواطينا على المينا تهجرنا أمانينا .. .. تروح أرواحنا فينا ولا هالبحر يغرينا ......... ولا هـ الـمـيْ ! تغيب شوي .... تطيح دموع بقهر اكبر من الموضوع يموت السؤال وينولد بين الإجابه صوت آآآآه بثرثـرة مـوّال .. وكثير أشياء ماتنقـال ! من اوّل ليل لآخرها .. السهر موجوع ! نركل الليل الطويل بزاويتها انـتـلاحـق مابقى من عافيتها تطيــح دموع بقهر اكبر من الموضوع ! تغيب شوي واكثرنا مع غيابك يتوووه ! في ليلك الـحالك كثر هالوقت ماجابك ..... نحس بجـوع ! تجــي .. ونغيـّــر الموضوع ! كأنـّـــا .... مانحس بـ شي ! . تغيب شوي .. وتضيع السوالف في شفايفنا هرب منـا الكلام وصحت باحلامنا أحلام ! خذينا الصبـح في وجه الطريق المظلم وجينـا ! ولا خفنـا نبي نكتب على المينـا سوالفنا عواطفنا من الضيقه عشقنا الهم ضيـّعنـا الفرح فــ اليــَـم تخيّـل لما حبينـا . اثاري الصبـح ناسينـا ! ما به شمس ! و لا به فــَـي !! تغيب شوي وتموت المداين مدامعنا على السكه حزينه ذبول الورد .. ماخلاّ جناين مواجـع .. من مدينه لـ مدينه ! تغيب وكن ما بـالكون كاين كَريــه العالم .. ... الدنيا لعينـه ! تغيب شوي ْ ماتدري عن اللي كان واللي كان ! عن الشارع .. .. عن الدكـان عن الطفله الصغيره اسمها ( منيره ) عن الطيش وسوالفها ...... لعبتها .... .. طرايفهــا تعال اسأل ديارفهـــا ! طفت في حزنها منيره ولا طلـّــت على الجيران ..! لأنك .. ماتزور الحــيْ ! تغيــب شوي وغيابك كسر حلم بوجيــه أطفال جرح فرحه تزف آمــال ( شهد - احمد - حسن - ريمــه ) تلاقيهم على بابك ! ( فجر ) ضحكتها القديمــه ! تغيب اليوم باسبابك ! .... تباكوْا اغلب الأطفال غيابك مايسر الحال ...... ....... ترى ياخـــيْ ! تغيب شوي .. الضيقه تلاحقنا .. ودمعتنا تـسابقنا حقيقه .. كلنا ضقنـــا ! هذاك الباب مو بابــك ..... ولا الأحباب اصحابك ولا الجيران احبابــك ! تخيّــل ! قالوا انك رحت شايل ..... من عنا دنياك همك فرحتك ماهي كثير ! صباحك غير ولا حتى مساك بخيــر! تعثــر حظـك ........ وميــّل ! طيـــّب ليــــــه ؟! كثير اللي يحبونك ... تجازيهم عذاب وتيـــه ! طيب ليــه حزن ودّاك ماجابـك ...؟ وأحبابك ؟ ...... وأصحابك؟ تضيـــق هنـاك تضيــق اهنيــه ! ......... نفس الشــي ! نفس الشي ! . . تغيــب ويطفي الواقع .. ونشعر بالخيـال المـــر مع ان ْ احلـى صباحات العمر كانت خياليـــة تغيــب ويرتبـك هذا الشعور المنطفــي ويمـــر على عمر المساءات اللي كانت يوم ورديــــة ..!! كثير صْـغار قالوا ليه .. هو لون العمر اسمـر؟! كبرنا .. ماعطينا من ضيــاه لــ حزنــه شويه ! تمر جْــروح هالدنيا علينا بدمعها الأحمر وحنــا قلوبنا بيضـا .. نقابلهـا على النيـــه ..!! تصبرنا على الدرب الحزين ولين ما اثمــر شقا غيـّاب هم احباب بالحزن وبلاويـّـه! تغيب ويجرحون الصبح يا صوت المسا المقمر لا نفحـــــه صباحيه .. ولاغيمــة مسائيه ! كثر ماكنت لأيامــك كريم بوقت يتذمـــر كثر ماكانت احلامك عطوفه بكل حنيـــّـه !. كثر ماكنت تروي من حكاياتك على اللي مر كثر ماسولفت هذي الشوارع فيك ليليـّـة! تغيب وتشغل قلوب // وقلوب بــ غل تتمرمر ! غيابـك عــوّد العالم على طبـع الأنانيـــه ! الوع ـد باكر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوم تتصل والتلفون يطلع مغلق بعدت لغات ادخل وشووف	دلـ بغداد ـع	فلها وبيعها	9	10-08-2008 04:06 AM
قصيده راااح تعجب البنات	بنت رجال	ابداعي بمجال الشعر والخواطر	13	08-31-2008 06:30 PM
كل ماحكى يجي سؤال بخيالي دام السوالف سكر وشلون ريقهtopic ^^!	DANGAR$ G!RL	منتدى الماسنجر MSN	5	08-20-2008 04:17 AM
ايقوونه تعجب السحالي	AL-FUHRER STYLE	فلها وبيعها	9	02-23-2008 11:15 PM

	التسجيل - البحث - تسجيل الخروج - اميل كول قايز - مركز رفع ملفات - التوبيكات

الذين يشاهدون محتوى الموضوع الآن : 1 ( الأعضاء 0 والزوار 1)

تغيب شوي .. وتضيع السوالف في شفايفنا ..

ابداعي بمجال الشعر والخواطر

منتدى كول قايز > أبداع كول > ابداعي بمجال الشعر والخواطر