غزلان : فوهرر............. والله انا مرررة خايفه انت عارف انو هدي اول مرة اركب طيارة
فوهرر: يعني انا اللي كنت طيار وانا صغير ........مو انا برضو اول مرة اركب طيارة
غزلان: والله لو رحنا بالبيجو حقك كان احسن
فوهرر : بيجو ايه ياحرمه والله هدي ماتوصلنا حتى المدينه
غزلان: طيب احضّني يا ابو اسعد انا مره خايفه
فوهرر: احضنك ايه بلا قلة حياء ياحرمه قدام الناس .... بس انتي اربطي الكمر على خصرك واقريء دعاء السفر وربك يعدلها
فوهرر وغزلان في الاراضي اليونانيه
فوهرر: الف حمدالله على السلامه ياعمري
غزلان: الله يسلمك ياحياتي
فوهرر: الله ياغزغز والله وعرفتي تختاري شوفي البلد كيف حلوة وبناتهم احلى واحلى
غزلان: فوهرر وديني لو ماتبطلك الكلام هدا ترى اشرد منك هنا وارتاح من ملايكة اهلك
فوهرر: ياشيخه امزح معاكي ........ وسعي صدرك شويه
غزلان: المهم شفلنا فندق على البحر ويكون شرح شويه
فوهرر: طلباتك اوامر ياعسل
فوهرر وغزلان في فندق كوناكيوس في اثينا
فوهرر: الله ياغزغز تعالي هنا في البراندا وشوفي البحر وكيف الناس مبطحين على الرمله
غزلان: وليه من البراندا ....... غير الفوطه والبس جلابيه وخلينا ننزل بنفسنا على البلاج
فوهرر: يالله ياستي ننزل نتمشى وهو نحن جينا هنا ليه
فوهرر وغزلان على الشواطيء الرمليه
فوهرر: والله صحيح ربنا اعطاهم الدنيا واعطانا الآخره ...... شوفي كيف عايشين حياتهم بالطول والعرض
غزلان: صحيح للسفر سبع فوائد
فوهرر: طيب ايش هي السبع فوائد انحشرت
غزلان: والله مدري عنها بس الناس يقولوا كدة
فوهرر: والله انك صادقه خلينا ننبسط وبس
فجأة وهما يتمشوا لمحت غزلان صخرة كبيرة وباين من وراها رجول حرمه وهي تزعق
صرخت غزلان: فوهرر الحق
فوهرر: ايش فيه ياحرمه خير
غزلان: شوف الوليه الحجرة طاحت عليها وجالسه تزعق
فوهرر: الله الله الله وايش قدرنا نرفع الحجرة هادي
غزلان: يابويه الحق الحرمه قبل ماتموت
فوهرر : يالله نروح سوا
ويشمر فوهرر جلابيته وغزلان بالبالطو حقها وهات يا جري يبغوا يلحقوا الحرمه قبل ماتموت ولما وصلوا عند الصخره وطالعوا لقيوا حرمه وراجل في وضع مخل بالشرف !!
غزلان: يعععععععععععععععع
فوهرر: الله يقرفكم
غزلان: الله يهلكك يابعيده وانا سامعتك تزعقي ........ حسبت ان الحجرة طاحت عليكي واترينك جالسه تعملي ملوخيه مع السربوت هادا
فوهرر: ايش قلة الحياء هادي ياسرابيت يعني من قلة البيوت عندكم
غزلان: فوهرر انا ما اجلس دقيقه واحده في البلد هادي
فوهرر: مو هادي شورتك المعفنه
غزلان: وانا ايش دراني انهم يعملوا ملوخيه في الشوارع
فوهرر:طيب ايش الحل دحينا
غزلان:اقرب بلد عربي او اسلامي
فوهرر: اقولك مالنا الا تركيا يقولوا قريبه من هنا مرة
غزلان: يالله يا ابو اسعد حاسه اني راح استفرغ من اللي شفته
فوهرر: بصراحه موقف مقرررررررررف
فوهرر وغزلان في تركيا الإسلاميه
غزلان: ايوه يا اخو ياهادي البلد محترمه مو زي اليونان الله يخسفبهم
فوهرر: صراحه ........ اسطنبول احلى وفيها حرية منظمه وتنفع للعوايل
وجلسوا فوهرر وغزلان يتصرمحوا في الأراضي التركيه اسبوع في اسطنبول واسبوع في يلوة واسبوع في انطاليا وقضوا شهر العسل في الوقت الضايع ورجعوا للديار المكاويه وقالوا للناس حكاية الملوخيه وحذروهم من السفر الى الأراضي اليونانيه !!!
وسلامتكم
التوقيع
[يا عسل انت بس المسجلين يشوفوا الروابط . ادعس هنا وسجل وصير كول] قاهـــــــــر السحــــــــــــــالي
]![الصورة الرمزية ][×shoome×][](http://xcoolx.com/vb/avatars/844.gif?dateline=1218932045)
![][×shoome×][ غير متواجد حالياً](bdayh-xcoolx/statusicon/user_offline.gif)
بلا قلة حياء ياحرمه قدام الناس .... بس انتي اربطي الكمر على خصرك واقريء دعاء السفر وربك يعدلها 
انحشرت 
]
العرض العادي
