سلااااااااااااااااااااااااااام عليكم

يا جماعة احنا هنا في المنتدى ده بنتكلم عن واحد مش عاديبنتكلم عن اسطورة مش حتتكرر ثاني لا في الفن و لا في اي مجال ثانيمش حايتكرر ان يحتل شخص بمفرده الجلوس على القمة لربع قرن دون منازع..26 سنة من التألق دون سقطات.


ما أبغى اطول و بدخل في الموضوع

بصراحة انا لقيت نفسي قدام ظاهرة فريدة اسمها عمرو دياب ولقيت ان كل ظاهرة لابد لها من دراسة و ان لكل دراسة ارقام تقيس مدى اهمية و قيمة هذه الظاهرة..
انا اليوم جايب ارقام واحصائيات عن الظاهرة الديابية..
تعالوا نبدأ.......

أولا_الألبومات
ألبومات عمرو اللي طرحت رسميا يا جماعة 27 ألبوم .. اولهم (يا طريق 1983) و اخرهم (الليلادي 2007)
ده غير البومين ريمكسات نزلوا (حبيبي Remix 1997) و (بحبك Rewind 2002)
ولقيت ان المواقع اختلفت في عدد الألبومات .. اللي قال 22 و اللي قال 25 .. بس هم 27 البوم رسمي طرح في الاسواق
...................................
ثانيا_الأغاني
عمرو دياب طوال تاريخه عمل 242 اغنية تم طرحهم في البومات رسمية (الرقم طبعا بيتكلم عن نفسه)..
تخيلوا 242 اغنية مفيش واحدة تشبه الثانية (ربنا يزيد)..
و في بقى شوية سنجلات كدة عمرو نزلها و عددهم 11 اغنية
ده غير الأغاني اللي عمرو غناها في حفلات و مانزلها في البومات و لا سجلها حتى...
..................................
ثالثا_المؤلفين
عمرو اتعامل طوال تاريخه الطويل مع 36 شاعر..
واكتر من كتب لعمرو هو الجميل مجدي النجار وكتب لعمرو 52 اغنية........
و ده ترتيب اكتر المؤلفين كتابة لعمرو ...
1-مجدي النجار 52 اغنية.
2-مدحت العدل 35 اغنية.
3-سمير الطائر 24 اغنية (و كتبهم كلهم في البوم منين اجيب ناس و البوم اسف).
اما الشاعر الجميل بهاء الدين محمد كتب لعمرو 14 اغنية..و المتألق دائما ايمن بهجت كتب 18 اغنية.
................................
رابعا_الملحنين
عمرو لحن اغانيه مع 41 ملحن بس عارفين مين اكتر واحد لحن لعمرو دياب؟؟؟؟؟؟؟؟؟؟؟
اكتر و احد لحن اغاني عمرو دياب هو الملحن الكبير عمرو دياب...
عمرو لحن لنفسه 71 اغنية و ده طبعا وجه تاني لنجاح الفنان
و ده ترتيب الملحنين...
1-عمرو دياب 71 اغنية.
2-سيد اسماعيل 24 اغنية (و لحنهم كلهم في البوم منين اجيب ناس و البوم اسف).
3-عمرو مصطفى 21 اغنية.
4-رياض الهمشري 15 اغنية.
و طوال تاريخ عمرو الفني ماكان ليه اي تعامل مع العنصر النسائي باستثناء مرة واحدة قامت فيها الملحنة اللبنانية رشيدة الحارس (زوجة الفنان لؤي) بتلحين اغنية يا كنزي في البوم علم قلبي. وهذه يدل على إنه محترم
...............................
خامسا_الموزعين
وزع اغاني عمرو 21 موزع اكترهم طبعا الموزع الكبير طارق مدكور اللي وزع 57 اغنية ، و بعده بفرق بسيط جدا حميد الشاعري 53 اغنية..
اما فهد الفنان اشتغل مع عمرو في 11 اغنية.
..............................
سادسا_الكليبات
صور عمرو 22 فيديو كليب و ده بيأكد ان عمرو برضه كان رائد فكرة الفيديو كليب اللي بنعاني منها دلحين..!!
.............................
سابعا_الأفلام
تاريخ عمرو السينمائي بسيط... عمرو عمل 3 افلام...
1-العفاريت 1990
2-ايس كريم في جليم 1992
3-ضحك و لعب 1993
............................
ثامنا_شركات الأنتاج
اشتغل عمرو مع 6 شركات اكترهم صوت الدلتا اللي انتجت لعمرو 14 البوم و بعدها عالم الفن 6 البومات و روتانا 3 و صوت القاهرة 2 و البوم لكل من MC ميوزك سنتر و صوت المدينة..
...........................
تاسعا_الأعلانات
عمرو صور 10 اعلانات في حياته
عمل 7 لبيبسي..واعلان واحد لكل من فودافون و موبينيل و هيد اند شولدرز.
..........................
عاشرا_الرقم القياسي في مبيعات الألبومات
رقم قياسي بكل المقاييس مش في تاريخ عمرو بس ده في تاريخ الاغنية العربية كلها...
3,800,000 نسخة انباعت من البوم الليلادي في مصر و العالم (الرقم مش محتاج تعليق).
.........................
اخيرا_ثروة عمرواحتل عمرو المركز الاول في قائمة اغنى الفنانين العرب لعام 2007 بثروة قدرت ب 40مليون دولار ( 216 مليون جنيه اللهم لا حسد يا عمورة)...
.................................................. ........
في النهاية يا جماعة انا حبيت ألخص تاريخ عمرو في شوية ارقام صغيرة كدة بس عشان مايبقى في تفكير في وضع عمرو في مقارنات مع اي أحد تاني!!


لأن المقارنة قبل مارحتكون ظلم للحد التاني ده!! رحتكون اهانة لعمرو دياب نفسه..
و أخيرا اتمنى يا جماعة ان اللي عنده اي ارقام تانية بس يكون واثق من مصدرها يحطها هنا.. واللي عنده اي تصحيح او استفسار للأرقام اللي انا جايبها من فضله يقوللي عليها



شكرا.

__________________

لرؤية الروابط ننصحك بالتسجيل ... اضغط هنا

__________________

اللبنانية رشيدة الحارس (زوجة الفنان لؤي) بتلحين اغنية يا كنزي

او مره اعرف ان ملحنتها بنت


شكرا عزوز

__________________

مشكورين حبايبي على مروركم الطيب

__________________