للخليجيات عامه والسعوديات خاصه!!!!!!!!!!!!!!!!!!!!!

نوره$$$ · #1 (**permalink**) 09-15-2008, 01:29 AM

السلام عليكم جميعآ ...
وش اخباركم .. ان شاء الله بخير ؟؟

لرؤية الروابط ننصحك بالتسجيل ... اضغط هنا

قرأت موضوع في احد المنتديات ..وصاحبة الموضوع نفسها طالبة من اي احد يقرا الموضوع ينشره في المنتديات .. وابي آخذ رايكم في كلامها ..!!!

اخليكم مع الموضوع ...

v
v
v
v
v
السلام عليكم ورحمة الله وبركاته..

فيه موضوع مهم صراحه.. وودي من زمان اني اتكلم فيه..
لكم الموضوع..
كان يا ما كان
قبل 10 سنوات او حوله
كنا لما نمشي في ديرتنا ونشوف اجنبيه فاتشه
تطير عيوننا .. نقول وش هذي .. يا ساتر ..
كان يا ما كان
قبل ثلاثة ايام
افتح ايميلي واشوف رساله من قروب مشهور... صور لبنات ويتفاخرون انهم خليجيات
الخليجي فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين
لـ 6 ..او.. 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات)..
ومنزلين البنطلون..ونص ؟؟؟ طالعه..
قله الحيا هذي مهيب مقبوله
10سنوات فتره موب قليله ..
كيف وصلنا لهذي الدرجه من فراغ الاخلاق . ؟؟
قبل كم سنه.. للأسف غلطنا ورحنا لدوله عربيه وبدون ذكر اسماء ..
مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه وماكنا متوقعين ابد هالشي منها
ويلومننا ليه نكره الدول العربيه

رحنا لمطعم سقيم..طلع فيه واحد عالستيج.. ومسك المايك وقال
((احلى تحيه لشعب السعوديه))

وتصفيييييييييق..
لحقونا بعد شوي الشعب الاماراتي والكويتي..
بس السعوديه عادها يمكن 6 مرات..
جلست افكر.. ليه يعني حنا اكثر؟؟
فكرو فيها شوي.. لين يخلص الموضوع بعدين جاوبو.
ارجع الحين لصلب الموضوع..

ليش صرنا نشوف صور كثيره.. وعناوين الصور
((سعوديات..سعوديات..سعوديات))

لو نتفرج عالصور.. نلقى رجول.. نلقى جزم
>نلقى اساور خضرا<
والفيس بوك عاد..والهاي فايف.. انواع الصور اللي مدري وش اقول عنها
شفايف.. عيون..
ونادر ما تلقى وحده حاطه وجهها..
على فكره.. اللي تحط صوره وجهها,, محترمه اكثر من اللي ترزز اشياء ثانيه
يعني عشانكم تتغطون..تروحون تصورون ذا الصور..

تمنيت اني اطيح على بروفايل احد..والقاهـ حاط اسم كتاب حلو نقراهـ..خاطرهـ حلوهـ من كتابته.. موقف مضحك مر فيه..موقف مؤثر..
او اذا كانت او كان يعشق التصوير ليه يصور هالاشياء السخيفه..؟؟ اللي ما تدل الا على سخافه تفكيرهـ ؟؟
ااذا يحب التصوير ليه ما يحترف ويصور صور فوتغرافيه احترافيه وراح يبدع فيها !
ليه كل اللي اشوفه بربسه حكي واحيانا قله حيا لا صراحه موب احيانا غالبا..

وش هالفضاوهـ في العقل لدرجه انكم تصورون يدينكم رجلينكم.. ((شنطكم الماركه))..>>فرحانه فيها يعني؟؟.ولا متعاقده مع الشركه تسوين لهم دعايات؟؟.

يمكن الفضاوهـ اقدر اتقبلها او ابلعها لأن احيانا نسويها حنا انفسنا من كثر الفراغ اللي حنا فيه او يمكن شكل الصورهـ حلو..

بس ان الوحده تجي تصور مفاتنها هي وخوياتها وكاشخه بالجي سترينق
والمنتديات والقروبات السعوديه تتسابق لنشرها ..
الدال عالخير كفاعله.. والشر بعد.
بعدين انتي ياللي مصورهـ انتي وخوياتك..
يعني انتي همك الوحيد ما يشوفون وجهك عشان محد يعرفك..

بس مفاتنك وشفايفك.. وغيرها عادي يشوفونه
لأن المهم عندك الناس موب الله؟؟
طيب صورتك قدام نفسك طيب ؟؟ ما تهتز انك سويتي شي حقير ووضيع مثل هالشي؟؟
اصلاً كيف صورتو صورهـ زي كذ يعني ما استحيتو من بعض يا بنات؟؟
عيب يعني يعني عشانكم بنات مع بعض عادي تورون بعض يعني؟؟

ولا اقولكم انا نسيت انكم ناشرين الصور للعيال فما يهمكم البنات..
يعني صدق شي يضيق الصدر بنات سعوديات مسلمات في مجتمع مثل مجتمعنا يسوون زي كذا..
ودي اعرف امك وابوك وشلون بينظرون لك بعد ذا الصور؟؟

يعني حرام اهلكم ربوكم احسن تربيه..
بس انتم للأسف ما ربيتو انفسكم..

فيه شي اسمه تربيه النفس بس انتم تتبعون اهوائكم او خليني اقول مخكم الفاضي
ولا قروب ثاني سعودي برضو والصور اللي ناشرينها
ذوليك عاد متبرقعات وبعابياتهم متكحلات ومسوين حركات غبيه ومصورين..

طيب ؟ وبعدين ؟؟ ابي افهم وش الهدف ؟؟ مره وناسه ؟؟ مره يضحك ؟؟ مرررهـ كوووول انتم صراحه
طبعن ترا الكلام موب موجه للبنات فقط ! لأن يوجد عندنا وبكثره رجال عقول فاضيه ايضاً
اللي همهم نوم واكل.. وفلوس ياخذها من ابوه ولا امه
تطورو شوي ارتقو شوي اطلعو بصورهـ احلى من كذا..
انتم عارفين ان النت اكبر وسيله انتشار..

قبل فتره في ام بي سي فور تدرون ان في برنامج من برامجها عارض بروفايلات لبنات سعوديات.. باسماءهم طبعاً موب اسماء حقيقه..
بس شوفو الصور انتم شفايف وخرابيط ومدري وشو علقو على هالشي باننا متكمكمين بعبايتنا عشان كذا نروح عن انفسنا بذا الطريقه..

انشرو شي حلو حاولو تطلعون بشخصياتكم الحقيقيه موب تصيرون مثل الامعه اللي يسوي شي عشان يقلد الفنان الفلاني ولا البنت الفلانيه..
ليه بس تنشرون الشي الشين؟

انواع المقاطع الشينه تنتشر انواع الصور الشينه..
ليه؟ وش استفدت ؟؟ غير الذنب والاثم انك خليت احد يشوفها وانك نشرت شي مو كويس عن المسلمين
اقولكم شي؟

شفتو كتاب (بنات الرياض) قريته صراحه كل اللي فيه واقع اشياء فعلا تصير عندنا طبعاً لفئه معينه من الناس.. مع اني من المحاربين للكتاب
بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول
يدرسونه ..! تخيلو ..!
يعني الحين اللي برا يدرسون الكتاب كنص سعودي ادبي يمثل حياة السعوديين كله سلبيات في سلبيات

مثلا احنا الحين ندرس روبنسون كروزو في الجامعه على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي
شلون الواحد يصلح مجتمعه ؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس

بس عادي يدشرون ويخربون وكل شي بس ما ينتشر عنهم شي غلط
كل دوله بالعالم فيها الصالح والطالح..
البيت الواحد فيه الصالح والطالح..
ما تحبون احد يحكي فيكم ابد بالرغم من كل الاغلاط بحياتكم..

قبل فتره سمعت انهم رحلو (هشوم الرياض)>>وععع.. الى ديرته الحقيقه
(سوريا)
وانه لا يمت للشعب السعودي بصله
كأن ما عندنا سعوديين من هالجنس وربي اشوفهم وبكثرهـ في التحليه وفي غيرها والي مو متآكد من صحه كلامي

يروح لمقاهي الي بالثمامه بالرياض
الدروازه وغيرها ويشوف الاشكال الي فيها !
ليه ما تصلحون ايميلات تعود لكم بالفايده ..!
وتحسن سمعتكم وتظهر الجانب الحلو في كل سعودي وسعوديه؟

بقولكم مثال لوحده اعرفها شخصيا قبل ما ينتهي رمضان ارسلت مسج لكل اللي تعرفهم وقالت انهم بيجمعون فلوس هي وبنات خالاتها وبيروحون يشترون العاب وحلويات ويرسلونها لجمعيه الايتام وفعلا جمعو ووصل المبلغ لين

>>>>>22 الف <<<<<<<
^
^
ماشاءالله,,,

كله من بنات عشرينيات في العمر كلهم تحمسو لهالشي كلهم اشتغلو وشرو العاب وحلويات شرو ميك اب وشرو اشياء ثانويه الجمعيات ما توفرها للمحتاجين والايتام..

يعني البنات فكرو بتفكير مرررررهـ حلو

فكرو بالاشياء اللي يحتاجونها الفقرا ويفرحون فيها بس ما توفرها لهم الجمعيات لانها مهيب ضروريه مثل الاكل والبيت والملابس يعني هالمثال صراحه اوقف واصفق له بحرارهـ هذولي هم السعوديات اللي نعرفهم

شله شباب اعرفهم هم نجديين طالعين لجدهـ في رحله بحريه وصادو كميه لا بأس بها من السمك..

تدرون لو بيبيعون هالسمك كم يبيجب لهم ؟ تقريبا 4 الاف..
بس هم كانت نواياهم اهم من الفلوس..
اخذو هالسمك وودوه لمنطقه فيها ناس فقرا وتصدقو..
برضو حمله تبرعات الراجح..
ترا اكثر من تبرع فيها شباب..

((المواقف مذكوره عشان ابين انو فيه ناس كويسه يعني ابين الجانب الايجابي))

يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,
سواء بنات او شباب..
نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون ما تسوون هبال بس برضو بحدود..!
موب عشانكم ورا الشاشات يعني عادي؟؟
خوذوها معلومه

(هياط ورا الشاشه = مرض)

الصور اللي من النوعيه اللي ذكرتها في البدايه بطلو تنزلونها النت
ترا صدق يعني هالشي ما يبين الا فضاوه العقول
اي احد يشوف هالصو ولا يجيه ايميل من هالنوعيه يبطل ينشرها لأنها يساعد على انتشار هالظاهرهـ لأن التقليد عندنا اعمى
وابي اتطرق لموضوع بيخش فجأهـ بس لازم اعلق عليه(( فضيحه بنت .. الخ)) هالنوعيه من الصور والفيدوهات ترا عليكم اثم لو نشرتوها..

اولاً نشرت شي حرام ثاني شي ما سترت على بنت او ولد الناس..
ما تخاف ربي يفضحك بشي بعد سنه او 2 او 100 ؟؟!!

قال الرسول صلى الله عليه وسلم
(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..
يهمني الموضوع ينتشر في المنتديات السعوديه اكثر من المنتديات العربيه..
لأننا نحاول نناقش قضيه سعوديه داخليه ومافيه مجتمع ما يخلو من الاخطاء..
ابغى اذا احد قال وعادها 6 او 10 مرات..

اعرف ليه قالها.. واقول معه حق..

تناقض المجتمع وتناقض الافكار ينتقل بصوره عجيبه
بنهايه موضوعي احببت ان اقول اني لاعمم في كلامي على جميع السعوديين او الخليجين وايضا لا ننسى انه يوجد بنات محترمات ومثقفات ومتعلمات وقبل هذا كله محتشمات
كل مكان في الصالح وفيه الطالح

وانا اغلب موضوعي خصصت في المجتمع السعودي لانه مجتمعني ويهمني ان اناقش قضاياهـ اهم من المجتمعات الثانيه وان يصل الموضوع لآكبر عدد ممكن ..

وش رايكم ..؟؟

نوره$$$

بنت رجال · #2 (**permalink**) 09-15-2008, 01:52 AM

والله كلامها صح

كل شي يحطوونه برووووووس الخليجيات والسعوديات بالتحديييييد

لييييييش يعني

وحنا اكثر الدول محاااااااااافظه على دينها وشراااااااااايعها

هذووولي ناااااس تبي تطلع كلام على ديرتنا وعلى بنااااتها بالتحديييد

بس ماادري ليش يسوون كذا

مااقول مافي بنات من النوع هذا

الا فيه وكثييير بعد

بس هذووولي بنات الديره ولازم نستر عليهن وننصحهن مايصير نشوووف الخطا ومانتكلم

بالذات اذا يمس ديرتك و دينك وخواااتك

الله يعطيك العااافيه على نقل الموضوووع

miss yumy · #3 (**permalink**) 09-15-2008, 05:02 AM

ممممممم

حبيبتي كل مكان في الكوويس والبطال

دولا البنات حرام انو يسوا كدا لانو هبل في هبل كيف يرضوا ع نفسهم

ع العموم الله يهدي الجميع

بس ماادري من علمهم مسن ونت وفيس بووك

يسلموو ع الموضوع النأأيس

_misslazeza_ · #4 (**permalink**) 09-15-2008, 05:25 AM

ماافي اسلا احسن من السعووديييييين وهماا ينقرهوو مننا ويحطووها فينااا

بنت كوول بالمول على طوول · #5 (**permalink**) 09-17-2008, 08:41 AM

هيا معاها حق..

وفى كلام مامعاها حق..

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تهنئه خاصه من جريح الغرام	جريح الغرام	الترحيب بالكول الجديد	8	10-02-2008 06:07 AM
صفات عامه common adjectives	B!L...TW!N	Languages Forum	5	09-11-2008 01:18 AM
رسايل خاصه برمضان فقط	cool boy	منتدى الجوال	2	08-20-2008 07:25 AM
خبر نزل دموووووع السعوديين والسعوديات يارب سترك	القلب الحنون	الاخبار الموثيرة	7	08-18-2008 08:26 AM
مفاهيم خاصه لبنات المدارس!?!....	P!nK Ro$E	احاديث الفتيات	26	07-15-2008 09:53 PM

	التسجيل - البحث - تسجيل خروج - اميل كول قايز - مركز رفع ملفات - التوبيكات


	Dom Dom tk من --- : طفشااان ياعالم من كل شي زهقاااان khulood من وسط الاصدقاء : صباحكم احلى مع كول قايز ستايل روعة مجودي والبنت تحت دروبي من مني للحنينو : حنين ودي انتقم من انسان بس دحين ما عندي اسئلة افكر انا دحين اميرتهم من الساعه6 الصبح بتوقيت السعوديه : الان الساعه 6 الصبح باااااااي بروح المدرسه بـنكية من ــي لفهرور : ياااعيني عليك يافهرور وربي استايل جوونان مره مره لزوز وتعوم.. AL-FUHRER STYLE من ـي للاعضاء : ياحلوين بموضوع اللي بالاعلانات لو ماقدرتو تحملوه مو مشكله .. المحاوله ودخولكم للموضوع هذا يكفيني عن مليون احصائيات وتراتيب بنت كوول بالمول على طوول من جـــد هـ : وااااااااو شوو هالستاايل؟؟!! اميرتهم من الى منتداي الحبيب : اه اموووووت في كول قايز فديته يجعل عيني ماتبكيك ويلموني في كووول ققايز تسلم الفوهرر والله احرجتنا منفضلك وخدماتك وعطائك للمنتدى حنينـ وأنينـ من ــي .. يا حلوويــن .. : تعالوو باركوو للفوهرر على الافيه الرابعه http://www.xcoolx.com/vb/t20499.html#post274119 حنينـ وأنينـ من ــي .. والي نفسوو ينقم من انسان عادي .. : اختراناا في عضو لنقاش http://www.xcoolx.com/vb/t20301.html معاكم فرصه لمدة اسبوع اهروو نقاشات ..sweet girl.. من سويت تتكلم : قسسم حسيت نفسي دخلت حصة الوان خخخخخخخخخخ simple giRL من ــــي لكل كوول : واااااااااااااااو روعه الستايل الجديد.... تسلم اناملك فهروور بـنـكـ الـحـب من للفوهر خآآص : وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآو يسلمو ايديآآآتك يالفووهر وربي ستآآيل جناان سلمت يدآآك احمد علوش من الاستايل جميل وبارك الله فيكم فقد جعلتم به من المنتدي حلقه تواصل بين الاعضاء وشكرا جزيلا علي مجهودكم : خدود ورديه من غرفتي : اخباااركم حبايبي والله وحشني المنتدى ورجعت لكم من جديدهههه احمد علوش من الاخوه والاخوات اعضاء المنتدي اهلا بيكم وكم انا سعيد بوجودي معكم وشكرا للمسئولين علي المنتدي علي الشكل الجديد الجميل : احمد علوش من حج مبرور وذنب مغفور انشاء الله : DANGAR$ G!RL من من غرفتي : يااعيني يااعيني ع الاستايل الجدييد ولاخطيير المخنطر عنجد مره حلوو .. AL-FUHRER STYLE من ـي للاعضاء : هلا فيكم .. انا كذا خلصت من الاستايل اي خطأ فيه تعال خبرني بقسم الشكاوي .. وان شالله يعجبكم .. وشكرا لك من مر ملفي وعلق على الاستايل Roro..✿ من ساكرا : يااااااااابنووته وحشتيني ياقلبووو فينك يختي؟ وربي وحشتييني ياقلبوو فينك يابت مختفيه ^^

الذين يشاهدون محتوى الموضوع الآن : 1 ( الأعضاء 0 والزوار 1)

للخليجيات عامه والسعوديات خاصه!!!!!!!!!!!!!!!!!!!!!

احاديث الفتيات

منتدى كول قايز > corner girl > احاديث الفتيات