__________________

__________________

__________________

__________________

[align=center]
السلام عليكم
أخباركم
إن شاء الله بخير
نعود معكم مع الجزء الثاني من مسلسلكم المفضل
*_* المدرسة و ما أدراك ما المدرسة*_*


عنوان الحلقة
المتوسطة فلة ما لها آخر

نبدأ الحلقة معاكم

طبعا أختكم الفاضلة
ما صدقت إنها راحت المتوسطة>>يعني صارت كبيره هع هع
البنت كانت ماشية ع الصراط المستقيم طوال الثلاثة الأسابيع الأولى من المرحلة الأولى متوسط
إلى أن جاء اليوم الموعود
حين دخل الوحش الكاسر و كشر عن أنيابه للطلبة
و قال لهم"...........
___________
عذرا لقطع البرنامج
و لكن هذه الحلقة غير مناسبة
لمن هم دون السن القانوني
و نحن غير مسئولون
عن أي شيء يصيب المشاهد
من نوبات صرع و قرع و كفتة >>>عفوا لقد خرجت عن الموضوع
بس أعتقد إن الفكرة و صلت
نعود لنتابع الحلقة معكم
___________
و قال لهم"..............
__________
عذرا مرةة أخرى على قطع البرنامج
بس أنت متأكد أنك تبي تشوف الحلقة
ع
راحتك
اللهم بلغت اللهم فشهد
__________
فقال لهم الوحش
"يا جليلين الحيا أنتو ما تربيتوا ما بقت أبلة في المدرسة إلا مشتكية عليكم
أنتو..................الباجي مشفر حرصا ع مشاعركم.............أنتم ما ينفع معاكم إلا الطرد"
>>طبعا الوحش الكاسر كان الناظرة<<
الله يسلمك صفي كان فصل المشاغبين على قولت أبلة العربي
بس هذا مو المهم
بعد هذي المحاضرة الطيبة
توكلت الناظرة
إلى غرفتها
من باجر الصبح
في طابور الصباح
الناظرة
"يا بنات ترى في شي أسمه أحترام المدرسة
ترى هذي مثل أمج
و إهيا تاركا بيتها و عيالها علشان تدرسج>>طبعا الناظرة كانت ما تقصد تقول جذي إهيا كانت تبي تقول علشان الفلوس مو التدريس>>
و بما أن الحترام قل عندكم
فهذا راح يكون عقاب كل من يتجرأ ع أبلته
صف 1-2
تعالوا في نصف الساحة>>و آنا كنت في هذا الفصل
هذا الصف راح يعاقب
علشان يعرف كيف يحترم إلي أكبر منه
>>طبعا آنا و يهي أنقلب أحمر من الفشيله
و الطابور خلص و البنات راحو فصولهم
ماعدا صفنا
قعد تحت الشمس مدة لا تقل عن 20 دقيقة يعني مدة حصة كاملة
و بعد ما دق الجرس
خذونا و ودونا صالة الألعاب
و همن و قفوننا
بعد محاضرة أخرى ألقتها علينا
1
السيدة الفاضلة>>الوحش الكاسر=الناظرة
2
السيدة الفاضلة>>جاسورا=الوكيلة
3
السيدة الفاضلة>>دراكولا=الأخصائية
و نصرفوا
و طبعا آنا خريتها بجوا
و قعدت أصيح
فجتلي الأبلة إلي كانت تراقبنا
و كانت هذي أبلتي و كانت تدرسني إنجليزي
و قالت لي" نورا حبيبتي ليش تبجين؟؟"
قلتلها"أبلة والله آنا ما سويت شي و آنا ما أتكلم في الحصة"
قالت لي"نورا آنا أدري أنج عاجلة ما تسوين شي بس البنات الباجي شياطين و لازم يتعاقبون"
قالت لها"بس ليش عاقبتوني معاهم؟؟!!!!!!!!!!!!!!!!!!!!!!!!!!!!!!!!!!!!!!!!!!! "
قالت لي" والله مادري بس ماعليج تاعلي"
و قعدتني معاها و خلتني آكل
والله الشطارة تنفع
و طبعا أول مارديت البيت
قعدت أصيح عند أمي
و قلت لها كل إلي صار
[/align]

__________________