الفرق بيــــــــن مهند وشباب السعوديه

في الحقيقه والواقع .. المقارنه ثقيله على كبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع



- مهند -



يرجع من الدوام في الشركة .. يروح لـ نور .. يبوس راسها .. وبحنان يحضنها .. الله يا حلاتهم عصافير حب .. يقولها :



( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



- شباب الخليج -



يرجع الخليجي من الدوام .. يروح لـ زوجته .. وجهه مكشر حارقته الشمس .. يدخل على زوجته لا سلام ولا كلام .. يفصخ هدومه ويحذفهم على السرير او على العلاقه .. ويزيد على برودة المكيف ويقول لزوجته :



( بسرعه حطي الغدا ميت جوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابغى اكل وانام ؟؟ )



.
.



- مهند -



نور حامل .. يا الله على الدلع ! خايف عليها من نسمة الهوا .. ويقولها :



( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )



- شباب الخليج -



مرت الخليجي حامل ! ومسكينه الحرمه تتوحم على تفاح اخضر .. عاد يقولها :



( اووووووووفففف !! شوفي لا تتوحمين فوق راسي !! ابلعي تفاح احمر وانتي ساكته .. مو لازم اخضر ! هو كله تفاح .. لا تفلسفين علي )



.
.



- مهند -



مهند طالع مع نور السوق .. يشترون لهم ملابس .. ودار الحوار التالي :



نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- شباب الخليج -



الخليجي طالع مع زوجته السوق .. ما دار بينهم حوار .. ليش ؟!
لان هو يمشي قدام .. وهي وراه تركض ..



وكل اللي قاله ( بسرعه خلصي .. ابي ألحق على طلعه الشباب ) !



.
.



- مهند -



قام من النوم نص الليل .. ما شاف زوجته جنبه .. مرا خاف .. راح يدورها .. ويوم لقاها كانت تشرب مويا بالمطبخ .. قال لها



( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )



- شباب الخليج -



قام من النوم نص الليل .. ما شاف زوجته جنبه .. فتح اللمبات .. قام يصارخ :



( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كسر ان شاء الله .. وينك انتتتتتتتي ؟؟!! خليتي باب الغرفه مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمك بارد .. الله ياخذ اليوم اللي فكرت اخذك من اهلك فيه )



.
.



- مهند -



قاعد يقرا كتاب .. وفجاه جاته نور .. لابسه فستان جديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- شباب الخليج -



قاعد يطالع مباراه ريال مدريد وبرشلونه .. خو شبابنا مو حق كتب وثقافه !
و زوجته مستانسه بالفستان الجديد .. تبغاه يشوفها .. دارت قدامه عشان يشوف .. وصار هالحوار :



الخليجي : قوووووووووووومي قامت قيامتك وما قعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني الجديد .. شرايك ؟!
الخليجي : وكذا تخربين علي المباراه .. ما شفت حركة رونالدينهو الحين فاتتني كله منك!
الزوجه : طيب خلاص .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتك؟! لو لابسه خيشة البصل احلى بكثييير .. مخصره خيشة البصل ما تفرق !!



.
.
.



طبعا الفروق لو بقعد من الصبح للحين .. ما بخلص ..
لان 180 درجه فرق .. ولكن ايش نسوي .. الله كاتب لنا ان نقابل شبابنا
ونحتسب الاجر عند الله ..

__________________