إن تكلمنا ندمنا ..! وإن سكتنا قهر ..!

miss ana · #1 (**permalink**) 08-12-2008, 10:42 PM

} .. مرحبتين ؛؛

حبايبي أنا شفت هذا الموضوع في أحد المنتديات وعجبتني فكرته لكن ماأعجبني أسلوبه ..

لذلك بطرحه بأسلوبي ؛؛

الزواج يعتبر رابط مقدس الكل يفكر فيه ؛؛ ومن يوم الواحد تستقر أموره يفكر بزواج ..

قبل أن يتقدم الولد للبنت لازم يسأل عنها ..صار وطلعت البنت أوك ..

راح وخطبها ..

وخلني أخصص البنات كطرف أكبر متضرر من الزواج ..

يمكن هالاحساس يجيني لاني بنت وأحس اني ضحيه ؛
مادري هي حقيقه الرجال مايقدرون يتكلمون عنها بدافع الكبرياء . (( الله العالم ))

طبعا الكل يعرف ان الزواج بالخليج ضربه حظ ياتصيب ياتخيب ..

طيب الولد جاء وطق الباب سلم على أبو البنت قاله والله أنا مادحين لي بنتك وجاءي خاطب .

طبعا الاب بدوره بيجلس مع الولد ويأخذ ويعطي معه ويسأله أسئله خاصه ودقيقه ..

والهدف : (( يعرف مستوى تفكير الولد اللى يبي بنته ويشوف وش وراه ودونه ))

طيب مبدئيا : الاب أعجب بالولد..

الاب بادله بالكلام نسأل عنك وثم نشاور البنت ونرد لك خبر.

وعشان نعرف كيف الطرف الاخر مناسب لي أولا ؛ لازم أروح أسأل عنه في كل مكان ..

لنأخذ الاماكن نقاط ..

في البدايه ؛

1: المسجد ؛

بنظري المسجد برواز للأسف ..

مو كل من صلى صار صالح ,, بس لازم نسأل عن صلاته ..} طلع يصلي ؛

2: العمل ؛

رحنا نسأل عنه في محيط العمل قالو : والله رجال كويس وأخلاق ..

طيب ( العمل جزء من حياه الشخص لايفي بالغرض ومايكفي ) .

3: الجيران ؛

قالو : ماشي الولد ماعليه وماشفنا منه شر ؛

توكلو ع الله والله يوفقكم .

الجيران ناس يزورن بس مايعايشون .

4: القرايب ؛

رحنا وسألنا القرايب في مقوله تقول :

(( الاقارب عقارب ))

اذا صدق البعض فكذب الاغلب << وبصراحه من واقع خالى انخدع في زوجته من قرايب ..

باختصار مايعتمد منهم ..

5 : الاصدقاء ؛

(( غطى علي وأنا بغطي عليك ))

وبهالمناسبه أقولكم سالفه صارت مع أخوي ..

أخوي أكبر منى في يوم كنا قاعدين نتقهوى وجاء لاأخوي اتصال

رد هلا والله

قال أقول ترى أبي الفزعه

أخوي أبشر ولايهمك وش عندك !!

قال أنا خطبت وقالو بيسألون عني وأبيك تمدحني ..

رد أخوي قاله حسبت عندك سالفه روح بس أنا اذا جاءني أحد بقول اللى أعرفه ؛

قاله وشلون ياحمد غطى علي وأغطي عليك ’ بكرى تحتاجني ’

رد أخوي والله مو حمد اللى يحط بذمته مراءه وعيال يقابلوني بالاخره بكرى ..

قال وشلون يعني .. قال تدري والله اذا سألوني ماني مكذب عليهم .

سكر الخط وجاءت أمي وقالت له : حرام عليك خل الولد يعرس وشوله توقف له ؟؟

قال : يعرس بعيد عني ماني حاط بذمتى شي ..

قلت له دامه مو زين ليش تصادقه؟؟

قال والله الدنيا تجبرك تعاشرين الطيب والخيب ؛ واحنا الشباب نعرف بعضنا !..

أكتفي لحد هنا من السالفه ؛

يعني الاصدقاء مايعتمد عليهم على كل حال ..

طيب لنفترض ان كل النقاط أصبحت ايجابيه والولد سلبي..

1: المسجد 2: العمل 3: الجيران 4: القرايب 5 : الاصدقاء ...

وتزوجو وبعد الزواج صار الطلاق !!

اللى تكلمت عنه في موضوعي أنا وستار سابقا ؛

برايكم وش الحل يعني ؟

} .. بصراحه احساس حسيته وأنا أكتب الموضوع باختصار أقدر أقول اخنقتني العبره !!

لان في كل حال البنت هي المتضرر الاكبر من الزواج في حال عدم نجاحه ؛

light angel · #2 (**permalink**) 08-13-2008, 07:44 AM

انو الحل كل بنت تحب بويز
وتعرف عنو كل شي سلبياته وايجابياته
وبعدين يجي يزوجها>>>>>>تحلم
ترى امزح لاتسوي كدا
ياقلبو هدا نصيبنا نرضى فيه والي كاتبه ربنا بيصير
ويسلموووووووووو يالغلا

miss ana · #3 (**permalink**) 08-13-2008, 12:10 PM

ثاانكس حبيبتي على ردك الحلوو

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

إن تكلمنا ندمنا ..! وإن سكتنا قهر ..!

منتدى النقاش والحوار والاستفتاء

منتدى كول قايز > الأقــســـام الــعـــامــة > منتدى النقاش والحوار والاستفتاء

	التسجيل - البحث - تسجيل الخروج - اميل كول قايز - مركز رفع ملفات - التوبيكات